OFWS sa Taiwan ginbawaean nga mag-adto sa MECO nga owa it appointment

Ginbawaean eon it Manila Economic and Cultural Office (MECO) sa Taiwan ro pagpatigayun it transaksyon it mga Overseas Filipino Workers (OFWs) kung owa it appointment.

Raya ro gin-anunsyo it MECO kung siin tuyo kara nga malikawan ro pagdagsa it OFWs sa MECO ag para mapabilin ro social distancing protocols.

Suno kana, sa tyempo eamang it emergency magabaton ro MECO it walk in nga OFWs.

Samtang, ginlaygayan it MECO ro OFWs sa Taiwan nga magdahan ag permi nga mag-inom it tubi agud nga malikawan ro heat stroke ag dehydration.