Gin-anunsyo it Organization of Petroleum Exporting Countries (OPEC+) nga pagabawasan nanda ro oil production it 2 million barrels kada adlaw kon siin raya eon ro ginakabig nga pinakamabahoe nga pagbawas it produksiyon halin ko umpisa it COVID-19 pandemic.
Ro nasambitang tikang hay posible sigon nga magtuga sa pagtaas eon man sa presyo it mga produktong gasolina sa international market.
Ro OPEC+ hay grupo it mga major oil producers kaeakip eon ro Saudi Arabia ag Russia.
Ro anunsiyo it OPEC+ hay matapos ro kauna-unahan nandang pueong nga ulihing natabo kato pang Marso it dag-on 2020.
Ginasugid nga ro pagbawas it 2 milyong bariles kada adlaw sa produksiyon hay katumbas raya it 2% sa global oil demand.
Insigida man nga naapektuhan ro presyuhan it ginatawag nga Brent crude oil nga umangat ro presyo it 1.5% nga katumbas sa masobra sa $93 kada bariles.
Ro production cuts hay magaumpisa eon sa buean it Nobyembre.
