-- ADVERTISEMENT --
Uman nga nagtaas ro presyo it gasolina makaron nga adlaw it Martes, Mayo 26, kasunod it panibag-ong umento sa presyo it produktong petrolyo, suno sa Department of Energy (DOE).
Sa sangka advisory adlaw it Lunes, ginpahayag it DOE nga nagtaas it hasta sa P1.96 ro kada litro it diesel, samtang may pagtaas man it P1.60 sa gasolina ag P1.45 sa kerosene.
Suno sa DOE, ro mga paghueag sa presyo hay nakabase sa padayun nga pag-monitor it ahensya sa suplay it langis sa nasyon, kasunod it gindeklarang state of national energy emergency nga nagatau sa DOE it gahum nga magtaeana it limitasyon sa pagtaas ag pagnaba it presyo it petrolyo.
Base sa datos ko Mayo 22, may bastante nga suplay it langis sa nasyon para sa 44.82 days.
