NATIONAL News — Atensyon sa mga motorista bangud nga ginaeauman nga magataas eon man ro presyo it langis sa Oktubre bangud sa pag-grabe it kinagamo sa Middle East.
Ginpahayag it Department of Energy Oil Industry Management Bureau nga nagtuga it kawad-an it kasiguraduhan sa suplay it langis ro kinagamo sa Lebanon ag Israel sa tunga it pagkabaeaka nga posibleng mag-grabe pa ro giyera sa ibang mga kaeapit nga nasyon.
Ginpahayag it ahensya nga ro ginaeauman nga pagtaas it presyo hay ro mga masunod:
Gasolina – P0.30-P0.60/litro
Diesel – P0.65 – P0.90/litro
Kerosene – P0.40 – P0.60/litro
Ro iba pang mga rason nga naka-apekto sa mga presyo it langis hay ginaeakipan it pagpaguwa it China it sangka stimulus package agud nga pabaskugon ro andang ekonomiya ag ro pagbag-o bag-o nga imbentaryo it gasolina it Estados Unidos.
