Abiso para sa mga motorista!
Posibleng magpatuman ro mga kumpanya it langis it oil price hike sa masunod nga domingo.
Raya hay matapos ro ap-at nga domingong sunod-sunod nga rollback sa presyo it mga produktong petrolyo.
Base sa pagtantiya it local oil industry sources, posibleng makaangkon it P1.40 hasta P1.60 nga dugang nga presyo sa kada litro it diesel.
Mas sangkiri man ro magiging dugang sa presyo it gasolina nga posibleng mag abot sa 10 hasta 30 sentimos kada litro.
Ro kerosene man hay pwedeng madugangan it piso kada litro.
Nauna eon nga ginpahayag ni Department of Energy-Oil Industry Management Bureau Director Rino Abad nga may una sanda nga nakikitang sangkiri nga pagtaas sa presyo it mga produktong petrolyo.
Ro pagbukas it ekonomiya it China ag pagtaas it demand sa langis ro sambilo sa mga nakikitang rason sa pagtaas it presyo.
Madumduman nga ko martes , nag abot sa P3.40 ro ginbawas sa presyo it diesel; P1.70 sa gasolina ag P4.40 sa kerosene.
