Matapos ro masobra sa daywang piso kada litro nga pagtaas it mga produktong petrolyo hay eauman it mga motorista ro rollback sa presyo kara sa masunod nga dominggo.
Sa pagsambit sa mga pagtantya it industriya base sa fuel trading sa ulihing ap-at nga adlaw, ginpahayag ni Department of Energy-Oil Industry Management Bureau Assistant Director Rodela Romero nga eauman ro pagbalik sa presyo it mga produktong petrolyo.
Ginatantya nga ro Gasolina hay posibleng may pagnaba nga P0.50 hasta P0.75 sentimos sa kada litro; Diesel nga may P1.00 hasra P1.15 nga pagbuhin sa kada litro ag Kerosene nga ginatantyang makaangkon it rollback nga P0.90 hasta P1.00 sa kda litro it presyo kara.
Ginpahayag ni Romero nga ro nagalala nga tensyon sa middle east, potensyal nga sobrang suplay it krudo sa unang bahin it 2025 ag ro ginaeauman nga pagbahoe it demand it langis nga magahinay sa 2025 bangud sa pag-upgrade it kamayad it saeakyan ag ro paghinay it ekonomiya it China bilang mga rason para sa ginaeauman nga rollback sa masunod nga dominggo.
Ro mga kumpanya it langis hay nagaanunsyo it opisyal nga presyo it produktong petrolyo makaron nga adlaw it Lunes nga magiging epektibo makaron nga adlaw it Martes.
