-- ADVERTISEMENT --
KALIBO, Aklan–Nagpatuman eon it panibag-ong oil price rollback ro mga gasolinahan sa probinsya it Aklan umpisa makaron nga adlaw it Martes.
Suno kay Rexiel Dofeliz, Station Head it Seaoil Gasoline Station nga pasado alas-6:00 kaina it agahon naging epektibo ro andang oil price rollback.
Kapin sa P2.10 sigon ro andang ginbawas sa presyo it kada litro it gasolina samtang P2.20 sa kada litro it diesel.
Sa makaron, nagabalor it P77.10 ro kada litro it andang special gasoline, P74.90 ro unleaded ag P75.65 ro extreme 95.
Nasayuran nga raya eon ro ika-an-om nga dominggo it rollback sa diesel.
-- ADVERTISEMENT --
Nagaeaum sigon sanda nga magadire-diretso eon ro pagnaba it presyo it langis sa merkado agud nga mabuhinan man ro paeas-anon it mga pumuoeyo.
