KALIBO, Aklan—Owa it masyadong epekto sa transport sector ro nakalarga nga oil price rollback hin-aga nga adlaw it Martes.
Suno kay Mr. Leandro Lenciano, Chairman it Banga-Kalibo Jeepney Transport Service Cooperative nga bukon it bastante ro limang piso nga pagnaba sa presyo it gasolina agud nga matabunan ro haeos onse nga sunud-sunod nga pagtaas sa presyo it produktong petyrolyo.
Sa anunsyo it pilang oil companies, magahampang sa masobra sa piso ro iganaba kada litro it gasolina samtang haeos 12 pesos sa diesel ag siyam nga peso sa kerosene.
Mag-eowas kara, nagakabaeaka sigon sanda sa kalakaran it pilang kompaniya it langis nga kon may rollback makaron hay ginbawi man eagi sa pagpatuman it oil price hike pagka-masunod nga domingo.
Nauna eon nga ginpahayag it Department of Energy nga bangud sa nagapadayon nga kinagamo sa tunga it Russia ag Ukraine rason nga naapektuhan ro presyo it langis sa bilog nga kalibutan.
