Good news para sa mga motorista bangud nga sambilog eon man nga round it rollback sa presyo it produktong petrolyo ro ginaeauman sa masunod nga domingo.
Ginkumpirma ni Department of Energy (DOE)-Oil Industry Management Bureau Director Rodela Romero nga base sa ulihing ap-at nga adlaw Agosto 8 hasta 11 nga kalakalan sa petrolyo hay posibleng makaangkon it ginaeauman nga rollback sa presyo it mga produktong petrolyo.
Base sa oil trading, ginpahayag it source it industriya it langis nga posibleng magnaba it P1.80 hasta P2.00 ro presyo kada litro it diesel samtang posibleng una sa 30 ag 60 centavos sa kada litro man ro iganaba sa presyo it kerosene.
Ginaeauman nga iga-anunsyo makaron nga adlaw it Lunes it mga kumpanya it langis ro pag-ayos sa presyo nga igapatuman hin-aga nga adlaw.
Ko nagtaliwan nga Martes, Agosto 9, nagpatuman it rollback ro mga kompanya it langis it P2.10 kada litro sa langis, P2.20 kada litro sa diesel, nga nagdaea sa year-to-date adjustments nga nagtaas sa net nga pagtaas it P17.55 kada litro para sa gasolina ag P30.15 kada litro para sa diesel.
