Business News ——-Makaron nga adlaw hay nagpatuman eon man ro pilang kumpanya it langis it dugang nga presyo sa andang produkto.
Makaron nga adlaw hay epektibo eon ro panueuktan it Chevron Philippines Inc. ukon Caltex it dugang nga salapi sa kada litro it andang produktong platinum, sa silver P.50 sentimos, sa diesel P.60 sentimos, ag P.55 sentimos sa kerosene.
Samtang, ro Shell hay may dugang nga salapi sa gasoline, P.60 sentimos sa diesel, P.55 sentimos sa kerosene.
Bukon man it apektado ro presyo it kerosene sa mga lugar nga una sa state of calamity.
Ro Petron man hay may dugang nga salapi sa gasoline, P.60 sentimos sa diesel, ag P.55 sentimos sa kerosene.
Mag-eowas kara, maskin ro mga small players hay nagpataas man it andang presyo.
