Daeayon eon nga natapna ro pag-eapta it nagtagas nga langis maghalin sa nag-eugdang nga oil tanker nga MT Princess Empress sa may bahin it Oriental, Mindoro.
Raya ro ginpahayag ni Mr. Broderick Gayona-Train, head it Provincial Disaster Risk Reduction Management Office ukon PDRRMO-Antique matapos nga owa eon it napabalita nga pagkalhit it langis sa iba pang parte it coastal areas sa Caluya, Antique.
Owa eon sigon sanda makaron nagapatigayon pa it mga coastal clean up activities kun siin nagapatimaan raya nga naubos eon it limpyo ro mga oil leak.
Mabahoe sigon ro naging papel it pagbayanihan it mga nagkaeain-eain nga ahensya it gobyerno kadungan man it madasig nga pagresponde it Philippine Coast Guard para eubusan eon nga makontrol ro pagtagas it nasambit nga mga langis.
Sa makaron, gintugyanan eon ro mga mangingisda sa Caluya, Antique ag iba pang apektadong lugar nga makapangisda matapos nga kakason eon ro fishing ban.
Sa pihak nga parte, nagaeaum man si Train nga eubusan eon nga matapos ro problema ngara nga ginapangatubang it mga apektadong residente para magbalik normal eon ro tanan sa andang mga tagsa ka ginapangabuhian
