KALIBO, Aklan—Temporaryo nga ginsarado ro old Kalibo-Numancia bridge umpisa alas-9 it gabi-i hasta makaron nga adlaw it Sabado, alas 11:00 it gabi-i agud taw-an it daean ro pagahiwaton nga Ati-Atihan fashion festival 2024.
Iga-showcase sa fashion show ro mga eambong nga himo sa piña cloth , kun sa siin ginaeauman nga pinaagi kara hay mas pang ma promote ro piña fiber industry sa banwa it Kalibo ag bilog nga probinsiya it Aklan sa bilog nga kalibutan.
Raya hay angot sa pag-umpisa it pilang aktibidad para sa dag-unan nga Kalibo Sto. Niño Ati-Atihan Festival 2024.
Kaibahan sa ginaeauman nga magatambong sa fashion show si Senador Loren Legarda, sambilog sa mga naga-promote it piña fiber ag Senador Risa Honteveros nga may dugong Akeanon.
Angot kara, ginpahayag ni Ms. Carla Suner , executive assistant 1 to the mayor it LGU Kalibo nga kapin sa 400 nga mga indibidwal ro gin imbitahan sa event.
Kauna-unahan sigon raya nga ginhimo sa kasaysayan it Kalibo ag sa makasaysayan nga tulay.