KALIBO, Aklan—Mas pang nagbaskog ro pag-eaum it mga Pinoy nga madugangan pa ro Olympic gold medal it Pilipinas.
Haeos bilog nga nasyon ro naga-abang sa gold medal match ukon final nga hampang sa men’s flyweight sa boxing kun sa siin sueod ro pambato it Pilipinas nga si Carlo Paalam.
Suno kay Bombo Samurai Correspondent Josel Palma nga makasambuwa hin-aga ni Paalam ro pambato it Great Britain nga si Galal Yafai sa men’s flyweight, 48-52 kilogram sa Kokugikan Arena.
Ro 23-anyos Pinoy boxer ag tumandok it Cagayan de Oro hay may record nga 42 nga daog ag 11 nga pyerdi samtang ro 28-anyos nga si Yafai hay may record nga 32 nga daog ag 11 nga pyerdi.
Madumduman nga ginpyerdi ni Paalam ro anang kasambuwa nga Japanese boxer nga si Ryomei Tanaka sa men’s flyweight semi-finals via unanimous decision.
