Olympic gymnast nga si Carlos Yulo, nakaboue it bueawan nga medalya sa Men’s Individual All-Around category.

Napabilin ni Carlos Yulo ro gold standard sa men’s gymnastics sa nagapadayon nga Southeast Asia ukon SEA Games.

Ro two-time world champion hay padayon nga naging gold medalist sa men’s individual all-around nga ginpatigayon sa Olympic Complex sa Phnom Penh, Cambodia.

Ginkuhit ni Yulo ro ika-16 nga bueawan nga medalya para sa Pilipinas sa 32nd Southeast Asian Games kasunod sa naging kadaeag-an ni Fernando Casare sa triathlon.

Raya eon ro ikatlong individual all-around gold medal sa SEA Games ni Yulo kon sa siin ro una hay ko 2019 ag ginsundan sa Hanoi, Vietnam ko nagtaliwan nga dag-on.