Sports News —- Owa nakaangkon it medalya si Margielyn Didal sa women’s street skateboarding event it Tokyo Olympics, Lunes it agahon sa Ariake Park Skateboarding.
Nagtapos imaw sa ika-pitong pwesto sa waeo nga mga competitors sa finals stage.
Ro 13-anyos nga si Momiji Nishiya it Japan ro nakakuhit it gold medal samtang si Rayssa Leal it Brazil ro silver.
Sambilog pang Japanese skater sa pagkatawo ni Funa Nakayama ro nakaangkon it bronze.
Si Didal nga presenteng pang-17 sa kalibutan hay napas-eawan nga maka-landing sa anang first, third ag fourth tricks apang naka score it 2.97 sa anang second trick.
Nakaangkon pa imaw it kahigayunan nga maka-abanse sa anang kampanya sa anang fifth ag final trick apang owa eon naka-compete. Ro anang final score hay 7.52.
Nauna kara, sumaka imaw sa pang-pito sa ranking sa preliminary heats sa kabilugan nga score nga 12.02 rason nga nakaangkon it ticket sa finals.
