Ginhinyo it Office of the Ombudsman sa Sandiganbayan Third Division nga baliskaron ro pagsugot nga maka-piyansa si dating Senador Ramon “Bong” Revilla Jr. sa kasong malversation angot it umano’y ₱76.9 milyong ghost flood control project sa Pandi, Bulacan.
Ginpamilit it prosekusyon nga may bastante nga ebidensiya nga naga-konekta kay Revilla sa sabwatan sigon sa saea nga paggamit it pondo it gobyerno, kaibahan ro gina-alegar nga pagbaton it advance kickbacks ag paggamit it mga pekeng dokumento para mapaguwa ro pondo.
Nagdihon man it motion for reconsideration ro mga kapwa akusado ni Revilla nga sanday dating DPWH engineer Jaypee Mendoza ag cashier Christina Pineda matapos pamalibaran ro andang hinyo nga maka-piyansa.
Gin-taw’an it Sandiganbayan ro magtimbang nga bahin it limang adlaw agud magsumite it andang komento.
