Pagagamiton it Office of the Ombudsman ro mga salaysay it waeong dating bodyguard ni dating Ako Bicol Rep. Zaldy Co bilang parte it kasong ginapahaom kontra kay dating House Speaker Martin Romualdez.
Nasayuran it mga imbestigador nga magkakatugma ag may bastante nga basehan ro testimonya it waeong indibidwal angot it paghatod sigon it kwarta kanday Romualdez ag Co.
Uwa gin-eakip ro iba pang mga salaysay bangud uwa sigon it direktang kasayuran ro mga raya sa insidente.
Ginahueat pa it Ombudsman ro pinal nga pag-perma sa mga affidavit it waeong testigo antes mai-eakip ro mga raya sa kaso.
Samtang, kaibahan man sa mga ebidensyang pagagamiton ro testimonya ni dating Department of Public Works and Highways Secretary Manuel Bonoan angot it kasong conspiracy to defraud the treasury.
