Nakikita it Office of the Ombudsman nga mapabaskog it pagtestigo ni dating DPWH Secretary Manuel Bonoan ro mga kaso kontra kanday Leyte Representative ag dating House Speaker Martin Romualdez ag dating Senador Ramon Revilla Jr. angot it gina-alegar nga flood control scam.
Suno kay Assistant Ombudsman Mico Clavano, importante ro testimonya ni Bonoan bangud uwa sigon it paper trail ro maeapnagon nga korapsyon ag imaw mismo ro nakipag-angot sa mga kongresista ag opisyal it gabinete.
Nauna eon nga ginhambae it Ombudsman nga may probable cause para pasakaan si Romualdez it kasong plunder, direkta ag bukon it direktang pagpanuhoe, ag money laundering angot it P56-bilyong kickback sigon sa flood control projects. Ginpamalibaran man raya ni Romualdez.
Ginhambae man ni Clavano nga ginasaalang-alang ro edad ag kahimtangan it ikamayad nga eawas it 80-anyos nga si Bonoan, ag mas importante sigon nga magamit ro anang testimonya para mapanabat ro mga una sa likod it sambilog sa pinakamabahoe nga gina-alegar nga anomalya sa pondo it gobyerno.
