Kalibo Aklan ———–Mabahoe ro posibilidad nga nakasueod eon ro Omicron variant it COVID 19 sa probinsiya it Aklan.
Raya ro ginpahayag ni Dr. Cornelio “Bong” Cuatchon, Jr. it Provincial Health Office ukon PHO-Aklan bangud sa gulping pagtaas it nailistang kaso.
Sa pihak kara, ro mayad nga balita suno kana hay sangkiri eamang ro na-confine nga COVID positive sa ospital nga naga-abot sa 15 bukon it kapareho sa pagpanaeasa it delta variant ko buean it Hulyo ag Agosto nga naga-abot sa masobra sa 100.
Gindugang pa ni Dr. Cuatchon nga ko nagtaliwan nga domingo hay nagpadaea eon sanda it specimen sa Department of Health (DOH) Region 6 kun sa siin sanda man ro naga-submit sa Philippine Genome Center para sa genome sequencing.
Ro resulta hay posibleng magaguwa it ap-at hasta limang domingo pa .
Sa pihak nga parte, maskin nga naabot eon suno kana it Aklan ro herd immunity ukon naturukan it daywang doses it COVID vaccine ro masobra sa 75% it target population, padayun ro anang pag engganyo sa iba pa nga magpabakuna eon bilang dugang nga proteksyon partikular sa mga senior citizen ag mga may comorbidities .
Mag-eowas kara, engkaso nga makabatyag it sintomas, insigidang mag self isolate , mag-sunod sa health and safety protocols ag magbilin sa baeay kon owa it importanteng paeanawon.
