KALIBO, Aklan–Ginpaathag it sangka eksperto nga normal eamang nga makaangkon it evolution ro mga variant it COVID-19.
Raya hay kasunod it nadiskubrehan nga panibag-ong variant sa United Kingdom.
Suno kay Dr. Philip Ian Padilla, Public Health Expert ag Vice Chancellor for Academic Affairs it UP Visayas, ro Omicron XE variant hay recombinant it BA.1 nga original strain it Omicron ag BA.2 Sub variant it Omicron.
Kung may makarondaya suno kana nga kombinasyon it heavily mutated variant of concern, ginaeauman nga ro recombinant nga Omicron XE variant hay mas makataeapon.
Apang, sa makaron suno kana hay padayun pang gina-estudyuhan it World Health Organization ro nasambit nga variant.
Agud nga makalikaw sa grabeng epekto it COVID-19, dapat sigon nga pasanyugon ro vaccination rollout sa bilog nga nasyon ag padayun gihapon nga magsunod sa minimum health protocols.
Mag-euwas kara, importante man ro pagpaturok it booster shot bilang proteksyon kontra sa bag-ong variant.
