Gilayon nga naghakot it pagtamyaw ro ginlunsar it Department of Migrant Workers (DMW) ro “One Repatriation Command Center” para mabuligan ro mga distressed overseas Filipino worker nga mapa-uli sa nasyon.
Gasalig si Migrant Workers Secretary Susan Ople nga pamaagi sa “One Repatriation Command Center,” mas mapadali ro proseso it repatriation.
Posible man sigon nga magpangayo it bulig sa command center ro mga kapamilya it distressed OFWs.
Suno pa kay Ople, kapin sa 186 eon ro nag-agto sa command center para magpangayo it bulig.
Nakabaton man sanda it 138 nga tawag ag 84 nga emails umpisa nga ginlunsar ro programa.
Samtang, kaabuan sa mga distressed OFW hay maghalin sa Middle East, kapareho it Saudi Arabia, Kuwait, Oman ag Qatar.
Nasayuran nga masami sa rason kara hay ro bukon it makatawo nga trato sa trabaho, pagdelay it suweldo ag pagmaltrato.
