Ginrekomenda it Anti-Red Tape Authority (ARTA) ro pagpatuman it mas hugut nga regulation ag one-strike policy para sa mga driving school ag mga pribadong kumpanya nga nagabulig sa mga fixer sa andang mga ilegal nga aktibidad.
Raya hay matapos nga matukiban sa serye it ginpatigayun nga entrapment operations and investigation it ARTA ag Philippine National Police-Criminal Investigation and Detection Group sa nagkaeain-eain nga branch it Land Transportation Office nga kaabuan sa mga illegal fixing activities hay ginakaeakipan it sabwatan it mga empleyado it LTO, driving schools, emmission centers, ag medical clinics.
Sa sangka pahayag hay ginpaathag ni ARTA Director General, Secretary Jeremiah Belgica nga temporaryo anay nga pagasuspendihon ro mga driving school ag private companies nga ginareklamo ag napamatud-an nga may ginahimo nga ilegal nga hilimuon samtang una sa idaeom it imbestigasyon ro mga raya.
Raya hay bilang pagpasiguro eon man nga ro mga indibidwal nga gustong makabuoe it lisensya hay may kasayuran pag-abot sa batas trapiko ag ro andang mga saeakyan hay makabig nga “roadworthy”.
