One-time P2K cash aid sa kada Pilipino, ginadihon it sangka party-list lawmaker

Ginadihon it sangka mamalidha ro pagtao it  one-time nga P2000 cash assistance para sa tanan nga mga Pilipino sa nasyon para buligan ro mga Pilipino sa tunga it  mataas nga presyo it mga baeakeon bangud  sa pandemiya ag iba pang external factors.

Raya hay ro House Bill No. 2022 nga igadihon ni Kalinga Rep. Irene Gay Saulog kung siin ginpahayag kara nga ro nasambit nga cash aid hay responsibilidad it gobyerno nga buligan ro pumueoyo nga makaeampuwas maghalin sa kalisod.

Samtang, engkaso man nga maging laya raya, kapin sa  P218 billion pondo ro pagakinahangeanon  para makapanupod it  cash assistance para sa kada Pilipino nga naga-istar sa nasyon.