Onga ni Rolling Stones singer Mick Jagger nga si Jade ginpabayad it masobra sa $2-K sa Spain

Ginmanduan it korte nga magbayad it kapin sa $2,422 bilang multa ro onga ni Rolling Stones singer Mick Jagger nga si Jade Jagger.

Raya hay bangud sa ginhimo kara nga pag-atake sa sangka pulis sa Ibiza, Spain.

Unang gin-aresto ro 51-anyos nga si Jade matapos ro natabo nga alitan sa sangka kaean-an.

Sa ginpatigayon nga fast track hearing hay nagpasugot si Jagger nga magbayad it 1,200 euros bangud sa resisting authorities ag 200 euros bangud sa minor injuries sa mga kapulisan kamana man ro 800 euros bilang compensation sa mga kapulisan.