Business News ——Nagpaguwa it paandam ro Securities and Exchange Commission (SEC) angot sa grabeng pag-abo it online scammers makaron nga “ber months.”
Suno kay Atty. Oliver Leonardo, OIC it enforcement and investor protection department it SEC, kadungan it pag-abo it mga lehitimong negosyo, ginasamantala ro kaparehas kara nga tyempo it mga bogus nga negosyante.
Kaeabanan sigon hay pinaagi sa online transactions bangud nga uwa haeos nagaguwa ro mga tawo.
Suno kay Leonardo, maghimo it pormal nga reklamo ro mga nabibiktima it scam, para maeagas ro mga kawatan ag inde eon makapambiktima pa.
Masami sigon nga ginaabandona it mga complainant ro kaso kon nagabuhay eon it pilang buean bangud nga eon sanda naila pang maistorbo.
Sa makarundaya nga sitwasyon, nagahina ro bug-at it kaso bangud naduduea ro supporting data ag iba pang ebidensya.
Abiso pa it SEC, base mag-abo pa ro scammers makaron nga holiday season bangud ugali eon it kaeabanan nga mag-eagas sa holiday rush.
