CANADA – Suno sa gobyerno it Ontario nga ibawae kara ro mga international students sa pagsueod sa mga medical school it probinsiya halin sa Fall 2026.
Pahayag ni Premier Doug Ford ag Health Minister Sylvia Jones ku Biyernes nga at least 95 porsyento it medical school spots hay ireserba sa mga residente it Ontario, samtang ro habilin nga limang porsyento ay para sa hay para sa mga estudyante nga magahalin sa ibang lugar sa Canada.
Ro pagbag-o hay nagabilog sa maisot nga shift sa enrolment, samtang magsobra 88 porsyento it tanan nga medical school spots sa Ontario hay buoe it mga residente sa probinsya, suno sa opisyal it health ministry.
Paeaparon man it probinsyal nga gobyerno ro programa nga nagakober sa sa tuition ag iba pang educational costs para iiba it mga estudyante nga nagapangako nga maga-practice it family medicine sa Ontario kaibahan ro full roster it mga pasyente.
Ginasaligan nga ro grant program hay nagakahaega it $88 milyon ag mae-extend sa 1,360 eligible undergraduate students.
Sugtan kara ro 1.36 milyon pang taga-Ontario nga mag-angkon it access sa sangka family doctor, suno kay Jones.
Sa presente magsobra 2.5 milyon nga katawo sa probinisiya ro uwa it family doctor, pahayag it Ontario Medical Association.
Ro numero ngara hay ginasaligan nga magadoble sa mga masunod nga dag-on.
