KALIBO, Aklan–Naging suspense sa mga delegado kon paalin nga pagahiwaton ro opening it Tokyo Olympics kabi-i.
Suno kay Bombo Samurai Correspondent Josel Palma nga sa program eamang nasayuran kon paalin nga pagabuksan ro pinaka-unique edition it quadrennial competitions sa owa it sueod nga stadium nga may 68,000 seating capacity.
Naging mahipos sigon ro organizers it Tokyo Olympics kun paalin nanda nga pagahimuon ro Opening it Olympic.
Suksok it Philippine team sa parada ro traditional nga barong tagalog kun sa siin nagserbing flag bearers sanday boxer Eumir Felix Marcial ag judoka Kiyomi Watanabe.
Nagbuhay suno kana ro opening ceremony it 3 oras kaibahan ro kapin sa 4,500 participants nga ginaeakipan it mga atleta ag mga opisyal.
Halin sa 205 member national Olympic committees, ro North Korea eamang ro nag-atras sa Games.
Base pa sa impormasyon nga natipon ni Palma, naga abot sa 11,000 nga atleta ag 7,000 nga opisyal ro nagtambong sa olimpiyada nga nauna eon nga nakansela ko 2020 bangud sa Covid-19 pandemic samtang ro mga media nga naga cover hay kapin sa 15,000.
Sa pihak nga parte, todo bantay sigon makaron ro Tokyo organizing committee matapos nga padayun ro pag abu it kaso it COVID-19 sa sueod mismo it athletes’ village.
Nasayuran nga ro masunod nga olimpiyada hay pagahiwaton sa France sa 2024.
