KALIBO, Aklan—Madinaeag-on ro ginpatigayon nga opening of lights it lokal nga gobyerno it Kalibo ko sabado nga adlaw sa Kalibo Pastrana park maskin nga kasunod kara hay may natabu nga komosyon ag pagbueun-an sa mga pamatan-on nga eakot sa insidente.
Suno kay punong barangay Neil Candelario it Brgy. Poblacion, Kalibo nga gindagsa it maabu nga mga tawo ro event , kun sa siin haeos tanan hay napa-wow sa matsa Disneyland experience nga fireworks display nga ginpahaum it LGU-Kalibo sa pagpanguna ni Mayor Juris Sucro.
Sa anang mensahe, gintaw-an kara it atensyon ro espiritwal nga aspeto it selebrasyon bilang pagdumdum sa pagkatawo ni Hesukristo.
Samtang, ginakabig ni kapitan candelario nga isolated incicent ro natabu nga kinagamo pagkatapos it opening of lights .
Insigidang gindaea sa ospital ro biktima nga nag angkon it igo it pagbuno sa kilid it eawas ag abaga.
Samtang, pito nga kaeaeakin-an ro ginkustodiya it kalibo pnp nga mga taga-new washington nga puro man nagpamalibad nga may kahilabtanan sa insidente .
Ginasugid nga dating owa pagka-ilintindihan ro ugat it insidente.
Nasayuran nga nag viral ro video it kinagamo kun sa siin makita nga maskin may nagapatunga eon nga pulis hay owa nagapa-awat ro mga raya .
