Gindagsa it maabong tawo ro opening salvo it Makato Sto. Niño Ati-Atihan festival 2023.
Suno kay PLt. Merriefin Carisusa, officer-in-charge it Makato municipal station nga ro nasambit nga event hay gin-umpisahan it misa sa agahon, ginsundan it sadsad sa kalye it mga nagkaeain-eain nga grupo, asosasyon ag tribu kamana man ro naging highlights kara hay ro pagpresentar ni Mayor Ramon Anselmo Martin D. Legaspi III it anang accomplishment sa sueod it 100 diyas nga pagpanerbisyo bilang alkalde it banwa.
Gindugok man it mga nagtambong ro food court nga patok ro mga nagkaeain-eain nga pagkaon ag delicacies it nagkaeain-eain nga establishimento ag kaean-an sa banwa.
Nauna eon nga ginpahayag ni mayor Legaspi nga magapabilin ro nakaangdan nga tradisyon it selebrasyon bangud nga malisod raya nga bag-uhon.
May makit-an suno kana nga pagbag-o sa andang banwa apang mga dekorasyon, flow it programa ag mga aktibidad eamang nga ginpahaom it lokal nga gobyerno
