KALIBO, Aklan—Nag-resume eun makarun nga adlaw it lunes, Oktubre 19, ro operasyon it Barangay Hall sa Brgy. Poblacion Kalibo.
Suno kay Barangay Kapitan Niel Candelario it Brgy Poblacion sa banwa it Kalibo nga umpisa makarun nga adlaw hay padayun ro pagtinguha it lokal nga gobyero agud maibalik sa normal ro operasyon it nasambitan nga taeatapan.
Apang limitado sa gihapon ro mga empleyadong nagasueod bangud nga ro iba kara hay naka-quarantine pa.
Ginklaro dugang nga nag-negatibo eun ro mga raya sa ginpatigayon nga RT-PCR test apang ginpakamayad eun lang nga tapuson ro andang 14 days nga quarantine period.
Samtang, nagpanawagan man raya sa mga residente it lugar nga magsunod sa ginapatuman nga mga health protocol kapareho it pagsuksok it face mask, ag pag-obserba it physical ukon social distancing agud malikawan ro padayun nga pagkalhit it makamaeatay nga sakit.
Sa makarun hay may una pang ap-at nga mga aktibong kaso it Coronavirus Disease ukon COVID-19 sa nasambitan nga Barangay.
