-- ADVERTISEMENT --
KALIBO, Aklan—Gin-insister ni Police Lieutenant Colonel Gilbert Batiles, hepe it Makato Municipal Police Station nga legal ro operasyon it Online ukon E-Sabong sa sueod it Makato cockpit arena.
Suno kana, nakabaton sanda it pila ka mga impormasyon nga may nagakatabo nga bueang sa lugar kun siin sa andang pagpatigayun it verification natukiban nga may permit raya halin sa opisina it local chief executive.
Bangud nga may nagakaigo nga dokumento ro operasyon hay insigida man sandang nagpanaw sa lugar.
Sa pihak kara, ginpasiguro man it opisyal nga hugut nga ginasunod ro health and safety protocols sa nasambit nga bueangan partikular ro social distancing bangud sambilog sigon raya sa mga requirements antes makabuoe it permit.
