Kalibo Aklan ———–Temporaryong ginsuspinde ro operasyon it Land Transportation Office (LTO-Aklan) umpisa makaron nga adlaw it Huwebes, Agosto 5, bangud sa padayon nga pagtaas it kaso it coronavirus disease 2019 (COVID 19).
Suno kay Engr. Marlon Velez, hepe it LTO-Aklan nga kaibahan sa maapektuhan hay ro mga magapa-rehistro it andang mga saeakyan ag nagabo-oe it drivers license.
Ginpahayag pa kara nga ro tanan nga mga rehistro ag lisensiya nga maga-expire makaron nga Agosto hay iga-extend hasta sa Setyembre 30, 2021 nga owa it anuman nga penalidad.
Nakipag angot eon sigon sanda sa Aklan Police Provincial Office angot kara.
Samtang, gindugang pa ni Engr. Velez nga owa anay sanda nagapang-multa makaron sa mga nakahimo it traffic violations apang hugut nanda nga ginabantayan ro pagpatuman it minimum health protocol sa mga nakasakay sa pampubliko ag pribadong saeakyan kapareho it pagsuksok it face mask , face shield ag physical distancing.
Sa pihak nga parte, ginkumpirma ni Engr. Velez nga tatlo sa andang mga empleyado hay nag positibo sa COVID- 19 apang puro man asymptomatic ukon owa it sintomas .
Mag-eowas kara, tatlo pa sa andang kaibahan ro naka quarantine .
Nagapadayun pa ro contact tracing sa mga close contact it mga nagpositibo nanda nga empleyado .
