KALIBO, Aklan—Balik eon sa normal ro operasyon ag byahe it tanan nga mga roll on/roll off vessels sa Caticlan Jetty Port paagto sa Mindoro ag Batangas vice versa.
Raya hay matapos nga nagmayad eon ro daeagan it tiempo ag owa eon naeakip ro Aklan sa storm signal no. 1 kasunod it pagpanaeasa it bagyong Quinta.
Suno kay PT officer 2nd class Gerry Ehoranggo it Philippine Coast Guard ukon PCG-Aklan nga ro biyahe it motorbanca paagto sa isla it Boracay hay nagapabilin ro operasyon sa tabon-tampisaan port tuga it habagat ukon pag-angkon it mga mabaskog nga humbak.
Gindugang pa kara nga sa mayad nga swerrte hay owa it nailistang aberya sa dagat sa kasagsagan it bagyo bangud nga temprano nga naabisuhan ro mga mangingisda ag mga cargoes nga indi anay magpa-eawod.
Sa pihak nga parte, gindugang pa ni ehoranggo nga padayun ro pagsueod it mga turista sa isla it Boracay nga kompleto sa mga ginapangayo nga documentary requirements.
