KALIBO, Aklan–Nagapadayun makaron ro kampanya it Kalibo Municipal Police Station kontra sa kriminalidad pinaagi sa pagpatuman it Oplan Sita ag Oplan bakal.
Suno kay Police Lieutenant Abdon de Mateo, Deputy Chief of Police it Kalibo Municipal Police Station nga tuyo kara nga mapunggan ro posibilidad nga paghimo it krimen it pilang indibidwal ag grupo.
Kaparte sigon it kampanya ro regular nga paglibot it mga pulis gamit ro patrol car ag motorsiklo.
Nagapangunag mandato sigon nanda ro pagpabilin it kaayusan ag katawhayan sa bilog nga komunidad.Nag-apela man raya sa mga pumueoyo eabi eon sa mga motorista nga makipag-kooperar kanda kung nagapatigayun it pagsita.
Kaeabanan sigon sa andang gina-sita hay ro mga motorista nga may violation, mga indibidwal nga may makadueoda nga paghueag ag nagadaea it hinangiban.
Kaabuan sigon sa andang apprehension hay nagakatabo kun gabi-i.
Ginpahayag dugang nga naging epektibo ro andang implementasyon it Oplan Sita.Mag-euwas kara, nagapadayun man ro operasyon it Oplan Bakal sa mga establisyemento partikular sa mga bar.
