KALIBO, Aklan—Apektado ro operasyon it pilang negosyo sa isla it Boracay bangud it ginkasa nga National Capital Region (NCR) Plus bubble ukon pagbawae nga makabiyahe paguwa it Metro Manila ag kaiping nga mga probinsiya.
Suno kay malay mayor Frolibar Bautista nga mabahoe nga porsiyento it mga turista hay nagahalin sa NCR, Rizal, Cavite, Laguna, ag Bulacan.
Mabahoe man ro anang pagkanugon bangud nga maabu eon kunta ro mga nagpabook para sa semana santa apang bangud sa gulping pagbagsak it tourist arrival umpisa ko Marso 22 hay apektado man ro mga empleyado sa sektor it turismo.
Umpisa Marso 23, Martes nga adlaw ro tourist arrival sa isla hay naga average eon lang sa 40 hasta 50 kada adlaw.
Nagaeaum ro alkalde nga sa oras nga ma-lift ro ‘NCR Plus’ travel restrictions hay makabawi man ro mga tourist sites sa nasyon partikular sa isla it Boracay.
Sa pihak kara, ginpahayag ni mayor Bautista nga padayun nga naka alerto ro LGU-Malay, law enforcement agencies.
Kadungan kara, iga-finalize pa sigon nana ro andang plano it simbahan para sa mga aktibidad sa semana santa.
