KALIBO, Aklan — Bilang kabahin gihapon sa igapatigayong rehabilitasyon sa isla it Boracay, ginaproponer it Sangguniang Bayan it Malay nga isaylo ro operasyon it roll-on, roll-off (roro) sa Caticlan port.
Suno kay SB member ag presidente it Boracay Foundation Inc. (BFI) Nenette Aguirre-Graf, halin sa Caticlan port hay igasaylo ro operasyon kara sa kaeapit nga banwa agud mabawasan ro paggutok it pantalan ag daeagan it trapiko.
Mag-eowas sa oil spill, gusto man sigon nandang maamligan ro coral reefs ag protected marine habitats sa oras nga mabawasan ro numero it roro vessels ag iba pang saeakyang pandagat nga nagadungka sa Boracay ag Malay.
Masyado sigon nga gutok ro pier nga ginaagyan man it mga turista paadto it Boracay ag mga cargo trucks it mga sapat nga ginabyahe.
