KALIBO, Aklan—Temporaryong ginsuspende it Aklan State University (ASU) ro operasyon sa tanan nga campus kara sa bilog nga probinsya it Aklan umpisa kahapon, Marso 03.
Raya hay matapos nga magpositibo sa COVID-19 ag namatay ro sambilog sa andang staff.
Suno kay Safety and Security Director Alex Ramos it ASU-Banga nga ro temporaryong suspensyon it operasyon it tanan nga pasilidad it eskwelahan hay bilang pagdahan agud malikawan ro pagkalhit it virus kamana man nga mataw-an it daean ro disinfection.
Nakalista man it dugang nga kaso ro eskwelahan kung siin sumaka eon sa 15 ro mga nagpositibo base sa ginpagguwa nga datos it Provincial Health Office ukon PHO-Aklan.
Gin-anunsyo man ni Ramos nga kanselado anay ro tanan nga work from home ag online classes it mga empleyado ag estudyante.
Ginapatihan nga natapnan ro nasambit nga staff it ASU sa anang igmanghod nga empleyado it Aklan Electric Cooperative ukon AKELCO nga nauna eon nga nagpostibo sa deadly virus.
Kung siin, pareho man nga binawian it kabuhi.
