Gintawag ni Culex Soliman, secretary general it Bunyog Pagkakaisa Party nga “kathang isip” eamang it kampo ni VP Sara Duterte ro ginatawag nanda nga “Operation Romanov”.
Suno kana, ro operation Romanov hay halin sa history it Russia kun sa siin ro pamilyang romano hay ginapapatay it mga Russian Revolutionary.
Raya sigon ro it bise president sa anang naging pahayag nga pagpamaeag sa kabuhi nanday Pangueong Ferdinand Marcos Jr., First Lady Liza Araneta-Marcos, ag dating house speaker Martin Romualdez. Sabat sigon raya sa pagplano nga pagpatay sa anang pamilya.
Ginhambae ni Soliman nga raya hay kathang isip bangud nga uwa man it ginsabat si VP Sara sa naging sueat ag kutana it NBI.
Dugang pa nana, ro mga DDS eamang sigon ro naga-bolahan ag nag-imbento it istorya sa andang isip.
Bangud para kana, kun may una nga nagaplano it pagpatay, mas maeapit raya nga ubrahon it pamilya Duterte bangud nga raya sigon ro andang “brand”.
Paathag pa nana, ginapaguwa it anang mga abogado nga madja una sa defensive mode ro bise presidente para nga depensahan eamang ro anang kaugalingon ag pamilya.
Ginhimo eamang raya nga alibi apang uwa sigon it mapati kara bangud nga klaro ro gigil it bise presidente sa pagpamaeag sa tatlong persona.
Si VP Sara hay kilaea sigon nga may personalidad nga mabagsik, brutal, ag bayolente, apang sa makaron hay nagapugong ag ginakontrol nana ro anang kaugalingon kapareho sa ginpatigayon nana nga press con kun sa siin naging matag-od eamang raya bangud nga kun uwa imaw it script nga ginasunod hay nagaeutaw ro anang minatuod nga kulay.
