Kalibo Aklan ———Temporaryong magasarado umpisa makarun nga adlaw, Abril 21, ro opisina it Land Transportation Office (LTO-Aklan) matapos nga makalista it kauna-unahang kaso it coronavirus disease 2019 (COVID-19).
Suno kay Engr. Marlon Velez, hepe it LTO-Aklan nga magapatuman it temporary closure ro opisina agud nga igapaidaeum sa disinfection matapos nga magpositibo sa COVID-19 ro sambilog sa andang empleyado nga nagatrabaho bilang inspector.
Ro nasambit nga empleyado hay asymptomatic ag presenteng naka-quarantine matapos matapnan sa anang ina nga nagatrabaho bilang Barangay Health Worker (BHW) sa banwa it Banga nga nagpositibo man sa COVID-19./
Samtang, pagahueaton man nga matapos ro ginapatigayon nga contact tracing ag ro resulta it swab test sa mga nakasalamuha it pasyente antes sigon nga maibalik ro andang operasyon.
Tanan man nga empleyado it opisina hay magapaidaeum sa quarantine period kaibahan eun si LTO Chief Engr.Velez.
Samtang, ginpromisa man ni Engr. Velez nga ro tanan nga may appointment makarun nga adlaw hasta sa pagbalik it andang operasyon hay pagataw-an it prayoridad.
Ro mga may papeles man nga maga-expired sa kasagsagan it temporary closure it taeatapan hay pagataw-an it extension sa pagproseso.
