KALIBO, Aklan – – – Gin pagowa eon sa publiko it Department of Environment and Natural Resources ag Department of Interior and Local Government ro listahan it mga violators nga naga abot sa kabilogan nga 195 nga Boracay Establishments nga bukon it konektado sa Sewer Line.
Pila sa mga gin tao nga dahilan kun ham-an bukon sanda it konektado hay bangud sa maeayo sigon sa main sewer line ukon may kaugalingon nga Sewage Treatment Plant.
Gin pahayag dugang pa nga may una sandang Discharge Permit (DP) applications apang, bukon pa it aprubado ag owa pa na-release it DENR.
Nag avail sigon ro mga raya it disludging services.
Gina sugid nga direkta sandang naga pilak it wastewater sa drainage canals, creeks, wetlands ukon beach ag nagagamit eamang it mga septic tanks.
Kaeakip sa mga nakaibahan sa listahan it DENR ag DILG hay gina eakipan it PTA- Jetty Port, Paradise Bay Beach and Watersports, Boracay Island Integrated Academy. Inc., Boracay Eco Village Resort and Convention Center, Shangrila Resort and Spa Boracay ag Paradise Garden Resort/Hotel.
