-- ADVERTISEMENT --
KALIBO, Aklan – – – Mas pang gin hugtan ro operasyon para sa Oplan Bakal ag Oplan Sita it Boracay Tourists Assistance Center(BTAC) sa sa isla it Boracay.
Sa makaron hay naga umpisa eon ro gina patigayun nga pag roving sa pagpanguna it kapulisan sa mga bars, establisyemento, tambayan, ag mga kalye sa isla.
Sa Oplan Bakal, gina inspeksyon ro mga indibidwal agud masiguro nga owa sanda it daeang kutsilyo, baril ag iba pang maka-maeatay nga armas.
Samtang, tuyo man it Oplan Sita nga ipadumdum sa publiko nga hugot nga gina bawae ro ang makipag-inuman sa kilid it daeanon.
Nagpadumdum man ro BTAC sa mga pumueoyo sa Boracay nga sundon ro kasuguan ag maglikaw sa kinagamo.
-- ADVERTISEMENT --
