Kalibo Aklan ———-Kinahangean nga maipareview it Commission on Elections (Comelec) ro andang pagsinueondan angot sa ginapatigayon nga ‘Oplan Baklas’.
Suno kay Retired Comelec Commissioner Atty. Rowena Guanzon nga sangka pag-eabag sa supreme court rulling ro ibang ginahimo it mga commissioners.
Engkasong mapamatud-an sigon nga may kakueangan ro mga commissioner angot sa ginapatuman nga pagsinueondan hay puwedi rayang maireklamo sa ombudsman ag masuspendi sa andang puwesto.
Ginapahayag dugang ni Atty. Guanzon nga sandig sa Comelec rulling hay indi puwedi nga magpakialam ro Comelec sa mga poster ukon tarpulin kung bukon it kandidato ro nagkabit kara ag kung raya hay una sa pribadong lugar.
Dapat man sigon nga makaangkon it freedom of speech sandig sa andang adbokasiya rason nga indi puwedi nga malimitahan sa 2×3 ro tarpulin nga una sa sueod it pivate property.
Samtang gineaygayan man kara ro mga katapo it kapulisan nga nagapartisipar sa ‘Oplan Baklas’ it Comelec nga magpangayo it written order agud nga indi madaeahig engkasong makaangkon it problema.
