KALIBO, Aklan–Uman nga igapatuman it Commission on Elections (Comelec) ro andang “Oplan Baklas” ukon pagkakas it mga campaign materials nga owa nagasunod sa mga polisiya nga gintaea it komisyon.
Nakataeana nga igapatuman raya sa Biyernes, Marso 25, ro pag-umpisa it opisyal nga 45 diyas nga campaign period para sa mga nagadaeagan nga kandidato para sa local nga posisyon.
Ginpahayag ni Crispin Raymund Gerardo, tagapaghambae it Comelec-Aklan nga sa adlaw ngara hay sakop eon man it nasambit nga regulasyon ro tanan ga mga kandidato para sa district congressman, governor ag vice governor hasta sa city ag municipal councilors.
Ro mga campaign paraphernalia eamang sigon nga nakapaskil sa mga pribadong lugar nga sakop it temporary restraining order (TRO) halin sa Korte Suprema ro exceptions para sa operasyon it Comelec.
Sa pihak kara, aprubado eon it man it komisyon ro ‘full-capacity’ sa mga campaign venues sa mga lugar nga una sa idaeom it alert level 1.
Ro regulasyon sa pagpangampanya sigon hay ginbag-o para makasunod man sa ginhaeugaan nga restrictions nga ginpatuman it gobyerno.
Posible man sigon nga magpatigayun it aktibidad ro mga kandidato maskin nga owa it sertipikasyon halin sa ahensiya.
Samtang, ginklaro ni Gerardo nga kinahang-ean pa gihapon nga magbuoe ro campaign team it permit ag makipag-angot sa lokal nga gobyerno nga may sakop sa sangka lugar.
