Tumaliwan sa pihak nga kinabuhi ku Hunyo 8 sa edad nga 62-anyos ro multi-band musician gna si Bing Austria matapos ro grabe nga baeatyagon.
Kilaea si Austria sa anang ambag sa mga bandang Juan Pablo Dream, Put3ska, ag Tropical Depression, nga naging parte it pag-usbong it Filipino ska ag reggae scene.
Naospital imaw ku Mayo 29 bangud sa nageupok nga appendix nga nauli sa sepsis ag nagtuga it seryosong komplikasyon, kaibahn ro pagkinahangenan it intensive care treatment.
Sa pihak it bueungan, nagpabilin nga kritikal ro anang kondisyon hasta umabot sa kamatayon.
Ginkumpirma it anang partner nga si Bashia Grafilo nga namatay si Austria it matawhay, kaibahan ro pamilya, ag nagpasaeamat sa suporta it mga amigo, tagasuporta, ag music community.
Ginaeaumang igapaguwa it pamilya ro detalye it memorial services para sa pagdumdom sa anang kabuhi ag kontribusyon sa musika.
