KALIBO, Aklan—Owa pa it pinal nga listahan ro oposisyon sa probinsiya it Aklan para sa andang mga kandidato sa 2022 elections.
Ginpahayag ni Aklan 1st District Sangguniang Panlalawigan member Atty. Harry Sucgang nga maskin nga may pilang mga pangaean eon nga nagtuhaw nga posibleng magapadaeagan sa andang linyada , apang bukon it opisyal ro mga raya.
Apang ro sigurado eon sa andang posisyon hay sanday dating kalibo mayor William lachica bilang gobernador ag ka-tandem kara si SP member Atty. Emmanuel “Nolly” sodusta.
Engkaso suno kana nga owa it mahugot nga kandidato sa pagka-congressman sa 1st District hay posibleng imaw ro magapa-ilihir ag sa 2nd District hay si dating Makato mayor Jun Legaspi.
Apang may una pa sigon sanda nga pagduha-duha bangud nga bukon pa it sigurado kon makasarangan ro budget ag suporta it publiko.
Ro pulitika suno kana sa pilipinas hay nakadepende sa kwarta rason nga mabudlay nga ro isukoe mo eamang hay ro imong credential.
Bangud nga may opisyal eon nga kandidato ro partidong tibyog-akean, nagaeaum si Atty. Sucgang nga posibleng sa masunod nga mga inadlaw hay makapaguwa man sanda it andang opisyal nga listahan.
