KALIBO, Aklan—Bantay sarado gihapon ro Provincial Government it Aklan pinaagi sa Office of the Provincial Veterinarian ukon OPVET agud nga indi makasueod sa probinsiya ro makahaealit nga African Swine Fever ukon ASF.
Suno kay Dr. Joseph Lachica it OPVET-aklan nga ro mas pang paghugut hay kasunod it pagkalhit it sakit sa iba pang rehiyon sa nasyon partikular sa Leyte ag Tacloban.
Sa makaron suno kana hay ro Region 6 ag 7 eon lang ro nagapabilin nga ASF free.
Ginpahayag dugang nga nagabueuligan sanda it Bureau of Animal Industry sa pag-monitor ag pagbantay sa tanan nga borders it Aklan agud nga malikawan nga makasueod ro mga buhi nga baboy ag pork products halin sa mga apektadong lugar.
Sigidas man suno kana ro andang disinfection sa mga nagasueod ag mga nagaguwa it aklan nga mga livestock transport carrier nga nagakinahangean it certificate of disinfection.
Mag-eowas kara, ginatutukan man nanda ro mga online sellers nga nagabaligya it mga ham ag pork products.
