KALIBO, Aklan—Ginklaro it Office of the Provincial Veterinarian ukon OPVet-Aklan nga puweding mamatay ro sangka sapat kung maangkit it mangtas nga ayam.
Suno kay Dr. Joseph Lachica it OPVet-Aklan nga masami eun nga may nagapaabot it report sa anang opisina bangud sa namatay ro andang mga alagang manok, kanding, pato ag baboy kun sa siin ro nakit-an nga rason hay ro pag-angkit it ayam.
Maisog sigon ro mga native nga ayam nga owa haeos nagaguwa ag puweding makapatay it ibang sapat.
Sa pihak kara, bawae sigon rayang patyon bangud sa posibleng pag-eabag sa Aminal Welfare Act.
Mas mayad suno pa nga magreport sa barangay kapitan engkasong may mga sapat nga nagakamatay agud nga mataw-an it nagakaigo nga aksiyon.
Puwedi man nga daehon sa andang opisina ro mga alagang ayam engkasong gusto nga ipatan-aw it tag-iya kung raya hay rabbies ukon nagbang-aw eun.
Madumduman nga eubos ro pagkasubo it pilang ka mga residente sa Barangay Taba-ao, Banga matapos nga salakayon it ginasugid nga mabahoe ag itom ayam ro andang mga alagang sapat ko nagtaliwan nga mga inadlaw.
Samtang sa pihak na parte, ginpahayag man ni Dr. Lachica nga nagapabilin sa gihapon nga euwas sa African Swine Fever ukon ASF ro bilog nga Western Visayas.
Sa makarun hay puro eamang maghalin sa ASF free nga lugar ginapasugtan nga makarun sa probinsiya.
