KALIBO, Aklan–Presenteng nagapatuman it hugut nga monitoring ag pagbantay sa mga border ag Caticlan Jetty Port ro Office of the Provincial Veterinarian (OPVET)-Aklan.
Raya hay kasunod it ginpagguwa nga Executive Order No. 057 ni Governor Joen Miraflores matapos nga makalista it kumpirmadong kaso it bird flu ro Capiz.
Suno kay Dr. Joseph Lachica, Veterinarian II it OPVET-Aklan nga nakabaehag sa EO ro temporaryo nga pagban sa tanan nga buhi nga manok ukon pispis halin sa Capiz ag Luzon nga makasueod sa probinsya halin Disyembre 12 hasta 26.
Apang, padayun man nga ginapasugtan ro pagpasueod it mga karne it manok ag itlog basta kompleto ro mga ginakinahang-ean nga dokumento.
Sa kamatuoran suno kana hay presenteng nakaposte ro andang Veterinary Quatrantine Services sa Jetty port ag mga border para masiguro nga indi makasueod ro mga kontaminadong karne ag sapat.
