KALIBO, Aklan–Nagapabilin nga hugut ro ginapatuman nga border controls it Office of the Provincial Veterinarian ukon OPVET-Aklan agud nga malikawan nga makasueod ro bird flu sa probinsiya.
Suno kay Dr. Joseph Lachica it OPVET-Aklan nga hasta sa makaron hay epektibo ro ginpaguwa nga Executive Order ni Aklan Governor Florencio Miraflores para sa temporary ban sa pagpasueod it buhi nga manok ag wild birds, apang ginapasugtan eon ro pagsueod it mga poultry products kaeakip ro itlog ag iba pa halin sa mga rehiyon sa nasyun mag-eowas sa western visayas agud nga maprotektahan ro local poultry population ag ikamayad nga eawas it publiko.
Sa makaron sigon hay may outbreak kara sa Luzon, partikular sa Pampanga ag Bulacan kamana man sa Mindanao.
Ginpaathag pa ni Dr. Lachica nga ro bird flu hay pwede man nga makatapon sa tawo.
Ginpasiguro man ni Dr Lachica nga bastante ro supply it manok sa Aklan bangud nga nagapabilin nga bird flu free ro probinsiya.
