Ginpangaean it Singapore Botanical Garden management kanday Pangueong Ferdinand Marcos Jr. ag First Lady Louise “Liza” Marcos ro sangka klase it bueak idto, bilang pagkilaea sa andang pagbisita.
Unang gin-adtunan it Pangueo ro nasambitang garden, para sa ikaywang adlaw it anang state visit idto.
Gintawag raya nga “Dendrobium Ferdinand Louise Marcos.”
Samtang, ginaeaumang mapirmahan ro pilang bilateral agreements sa counterterrorism ag data privacy kaibahan si Prime Minister Lee Hsien Loong matapos ro ceremonial welcome sa Istana sa pagpanguna ni President Halimah Yacob.
Mag-eowas kara, may serye it mga economic events sa pamaagi it briefings halin sa Bangko Sentral it Pilipinas (BSP) ag Department of Finance (DOF), nga pagasundan it roundtable meetings it Department of Trade and Industry (DTI) ag counterparts kara sa Singapore.
